Naxçıvan Dövlət Milli Dram Teatrı

Hörmətli izləyicilərimiz! 

Sizi Naxçıvan Dövlət Milli Dram Teatrının rəsmi veb-saytında səmimi qəlbdən salamlayıram!  

Teatr sənəti insan ruhunu zənginləşdirən, cəmiyyəti düşündürən və mədəni dəyərləri yaşadan qeyri-adi bir məkandır. Bu sənət ocağı, artıq onilliklərdir ki, Naxçıvanımızın zəngin mədəni irsini, milli və bəşəri dəyərləri, müxtəlif ideyaları və mesajları səhnədən tamaşaçılara çatdırır. Hər bir tamaşamızda məqsədimiz yalnız əyləndirmək deyil, eyni zamanda düşündürmək, maarifləndirmək və hər bir insanın həyatına dəyər qatmaqdır.  

Bizim əsas güclərimizdən biri teatrımızın aktyor və texniki heyətidir. Hər bir səhnə əsəri aylarla davam edən zəhmətin, sevginin və peşəkarlığın nəticəsidir. Biz inanırıq ki, yaradıcı insanın gördüyü iş onun yalnız zamanını deyil, həm də ruhunu əks etdirir. Hər bir tamaşaçının ruhunda, düşüncəsində sənətimizlə iz qoymaq bizim üçün ən böyük mükafatdır.  

Əziz tamaşaçılarımız, teatrın hər bir tamaşasında sizinlə birlikdə olmaq, sevinc və kədəri, romantika və faciəni birgə yaşamaq bizə güc verir. Sizin dəstəyiniz isə bizim üçün həmişə önəmlidir. Çünki yuxarıda qeyd etdiyim güclərdən biri də sizsiniz, tamaşaçılarımızdır. Teatr yalnız aktyor və rejissorlarla deyil, həm də tamaşaçılarla yaradılan bir aləmdir. Tamaşaçı olmasa teatrın nə mənası var? Teatrı tamaşaçısız düşünmək mümkün deyil. Sizi bu sehrli aləmin bir parçası olmağa, həyatın ən dərin məqamlarını birgə kəşf etməyə dəvət edirik.

Gəlin birgə yaradaq, birgə öyrənək, birgə yaşayaq! Biz sizin üçün varıq və sizin sevginizlə daha böyük işlərə imza atmağa hazırıq.  

Sizə möhkəm can sağlığı, uğurlar və yeni sənət zirvələrini birlikdə fəth etməyi arzulayıram!  

Hörmətlə,  

Mir Qabil Əkbərov 

Naxçıvan Dövlət Milli Dram Teatrının direktoru və baş rejissoru